АҚШ-та коронавирустан екінші адам көз жұмды

70 жастағы ер адам Киркланд қаласының ауруханасында ем алған. Қазір сол мекеменің 25 қызметкері мен 30-ға жуық тұрғын ауру симптомдары болуы мүмкін деген күдікпен тексеріліп жатыр. Жұқпалы дертке ел бойынша 90-ға жуық адам шалдыққан. Сондықтан, Вашингтон штатында төтенше жағдай жарияланып отыр.

Ал Қытайдың өзінде COVID-19-дан көз жұмғандар саны 2900-ден асты. Әлемді шарпыған жұқпалы инфекция 56 елде анықталып отыр. Соңғы мәліметке сәйкес, адамнан адамға жылдам тарайтын дерт Индонезия, Доминикан Республикасында да табылды. Дүниежүзі бойынша қауіпті инфекция 3043 адамның өмірін жалмаса, оны жұқтырғандар саны 89 мыңнан асып кетті.

Жансая ҚАПАСҚЫЗЫ