Ұлыбританияда «Warwick Kazakh Ball 2020» дәстүрлі шарасы өтті

Бұл шетелде білім алып жатқан Қазақстандық студенттердің жылда асыға күтетін мерекесі. Биыл осымен 10-шы рет ұйымдастырылған қайырымдылық шарасына Ұлыбританияның түкпір-түкпірінен және Франциядан келген 160 студент қатысты. Қайырымдылықты көздеп, қазақстандық студенттердің басын қосқан балдың биылғы тақырыбы ерекше – Оскар найтс. Бірақ мерекені ұйымдастырушылар тек кино тақырыбымен шектеліп қана қоймай, кеш қонақтарына жан-жақты бағдарлама ұсынуға тырысқан. Қайырымдылықтан түскен қаржы науқас балаларды емдеуге жұмсалады.