Қытайда коронавирустан 2663 адам қайтыс болды

Қытайда коронавирус жұқтырғандар саны 77658-ге жетті. 2663 адам қайтыс болды. 27232 адам емделіп, ауруханадан шықты.

Соңғы бір тәулікте елде тағы 508 адамның вирус жұқтырғаны анықталған. 71 адам қайтыс болған.

2,8 мың адам ауру жұқтырды деген күдікпен тексеріліп жатыр. Науқастармен байланыста болған 87,9 мың адам дәрігерлер бақылауында.

Ал Оңтүстік Кореяда бір тәулікте 60 адам вирус жұқтырып, дертке шалдыққандар саны 893-ке жетті. Бүгінгі күнге дейін 8 адам коронавирустан көз жұмған.

Италияда 220 адамға COVID-19 вирусын жұқтырды деген диагноз қойылды. Індеттен 7 адам қайтыс болды.

ria.ru