Жаңалықтарды Telegram арнамыздан оқыңыз!Украинада халық Қытайдан эвакуацияланғандарға наразылық білдіріп жатыр. Олар ұшақтағы адамдар елге коронавирус әкелуі мүмкін деп үрейленіп отыр. Жергілікті билік болса, қауіп жоқ дейді.
Әуе кемесінде 45 украиналықпен бірге Қазақстан, Аргентина, Эквадор, Сальвадор азаматтары бар. Олардың барлығы «Новые Санжары» ауылындағы шипажайда екі апталық карантинде болады деп жоспарланған.
Алайда, осы елді мекеннің тұрғындары санаторийге апаратын жолды бөгеп тастаған. Сондықтан қоғамдық тәртіп сақтау үшін «Новые Санжары» ауылына полиция жіберілді. Және де мемлекет басшысы Владимир Зеленский ел аумағында жұқпалы инфекцияның табылмағанын айтып, халықты сабырға шақырып отыр.
Жансая ҚАПАСҚЫЗЫ
