Бельгияда адам сүйектерінен жасалған дуал табылды

Алдын ала мәліметтер бойынша, қалдықтар XV ғасырдың ІІ жартысында өмір сүрген адамдардың сүйектері. Археологтар «сүйек қабырғаларын» салу уақытын XVII-XVIII ғасырларға жатқызып отыр. Ғалымдар қабырғалар шіркеу зиратын тазарту кезінде салынған деп болжады. Жаңа жерлеу орындарына орын босату мақсатында салынған болуы мүмкін. 

Зерттеушілердің бірі Джаниек де Гриздің айтуынша, зираттарды тазарту кезінде сүйектерді жай тастауға болмайды. Сондықтан адам қаңқаларынан дуал жасалған. Мұны сүйек сақтайтын арнайы орын деуге болады. «Бұл Бельгия тарихы үшін теңдесіз оқиға», - дейді археологиялық топтың өкілі Рубен Виллаерт.

The Brussels Times