Жаңалықтарды Telegram арнамыздан оқыңыз!Қазақстанның Сауд Арабиясындағы елшілігінің жәрдемімен Бахрейн полициясы 21 Қазақстан азаматшасын сексуалдық құлдықтан босатты. Бұл туралы СІМ баспасөз қызметі хабарлады.
Жақсы жалақы алу уәдесіне сенген жас қыздар Бахрейнге қонақүйде қызмет көрсету саласында жұмыс жасауға келген. Алайда келген бойда күтіп алушылар олардың құжаттарын тартып алып, жезөкшелікпен айналысуға мәжбүрлеген. Бағынбаған жағдайда күш көрсеткен.
Қазіргі уақытта барлық күдіктілер, соның ішінде қазақстандық азаматшалар ұсталып, тиісті тергеу жұмыстары жүргізілуде. Зардап шеккендер арнайы оңалту орталығына орналастырылып, жуық арада Қазақстанға қайтарылады.
