Жаңалықтарды Telegram арнамыздан оқыңыз!Бүгін Президент Қасым-Жомарт Тоқаев Нұр-Сұлтан қаласының әкімі Алтай Көлгіновті қабылдады. Елорда басшысы шаһардың былтырғы әлеуметтік-экономикалық көрсеткіштері туралы есеп беріп, бас қаланы дамыту жөніндегі кеңесте берген тапсырмалардың орындалу барысын баяндады. Сонымен қатар, шаһарды абаттандыру және жылыту маусымында атқарылған жұмыстар туралы да айтты. Мемлекет басшысы әкімге жұмыспен қамту, аз қамтылған отбасыларды қолдау, үлескерлердің мәселесін түбегейлі шешу және Нұр-Сұлтан қаласының инфрақұрылымдық дамуы бойынша берілген тапсырмаларды сапалы және уақытылы орындау керектігін тапсырды.
Ербол МӘНДІБЕК
