«Абай» орталықтары шет елдерде ашылады

Ұлттық академиялық кітапхана қызметкерлері ақынның 175 жылдығы қарсаңында бірнеше мемлекетпен келісім жасаған. Алғашқы мекеменің тұсауы биыл Чехияның Прага қаласында кесіледі. Осылайша ақын шығармашылығымен шетелдік оқырмандар да таныса алады. Қазіргі таңда кітапхана ұжымы аударма жұмыстарына ерекше назар аударып отыр. Өйткені, бұған дейінгі туындылардың басым бөлігінде қате көп. Осылайша мамандар олқылықтарды түзеп, Абайды, Абай шығармашылығы арқылы Қазақстанды төрткүл дүниеге танытуды көздейді. 

Раушан САЙЛАУҚЫЗЫ