Австралияда орман өрті ырық бермей барады

Соңғы мәліметке қарағанда, қызыл жалыннан Жаңа Оңтүстік Уэлс штатында екі адам қаза тапты. Олар – тілсіз жаумен күреске қатысқан еріктілер. Ал, Оңтүстік Австралия штатында бүгін төтенше жағдай жарияланды.

Бұл мемлектте жасыл желектер бірнеше аптадан бері жанып жатыр. Осы уақытқа дейін 700-ден астам үй мен 1,2 миллион гектар алқап күлге айналған.

Сидней маңында өрттің 100-ден астам ошағы анықталып, оларды сөндіруге мыңдаған адам жіберілді.

Экологтар болса, биліктегі ұлттық-либералдық коалициядан климаттың өзгеруіне қарсы саясатты қорғауды талап етіп, үкіметке қарсы қысымды күшейте түскен.