Қазақстан
Румыниямен бірлесіп теміржол техникасының
бөлшектерін шығаруды қолға алмақ. Бұл
туралы еліміздің Румыниядағы төтенше
және өкілетті елшісі Нұрбах Рүстемов
айтты.
Оның сөзінше, осы саладағы Оңтүстік-Шығыс Еуропаның ең ірі компанияларының бірі отандық темір жол өндірісіне инвестиция салуға дайын. Нәтижесінде, елімізде пойыз доңғалақтарын жасайтын кәсіпорын ашу жоспарлануда. Сондай-ақ, Бухарест қаласының сауда-өнеркәсіп палатасымен бірлесіп машина құрастыратын зауыт салу да қарастырылуда. Екі елдің саяси-экономикалық және мәдени-рухани байланысын нығайту үшін келер жылы Нұр-Сұлтаннан Бухареске тікелей әуе рейсі іске қосылады.
Аманкелді СЕЙІТХАН