Жаңалықтарды Telegram арнамыздан оқыңыз!Мемлекет басшысы «Лукойл» мұнай компаниясының президенті Вагит Алекперовті қабылдады. Қасым-Жомарт Тоқаевқа мұнай компаниясының 2019 жылы Қазақстанда атқарған жұмыстарының есебі берілді. Сондай-ақ Вагит Алекперов «Жеңіс» және «I-P-2» теңіз жобаларын жүзеге асырудың қазіргі ахуалы мен перспективалары туралы баяндады. Ресей бизнесмені Қазақстан Президентіне Алматы облысында биыл қыркүйек айында ашылған «Лукойл» жағармай өнімдерін шығаратын зауыт жұмысының алғашқы нәтижелері жайында мәлімет берді. Мемлекет басшысы осындай зауыт салғаны үшін Вагит Алекперовке ризашылығын білдірді.
Оңғар АЛПЫСБАЙ
