Жаңалықтарды Telegram арнамыздан оқыңыз!Халықаралық ауыр атлетика федерациясы (IWF) ресми түрде қазақстандық зілтемірші Владимир Седовты 2009 жылғы әлем чемпионы атағынан айырды.
Сонымен бірге, допинг қолданғаны үшін Седов 2008-2016 жылдары ие болған барлық жүлделерінен айырылды.
Олар: Азия біріншілігінің (2009 және 2016 жылдардағы) жеңімпазы, 2011 жылы Азия чемпионатының күміс жүлдесі, сондай-ақ, 2013 жылғы әлем біріншілігінде қола және ӘЧ-2014-те күміс медаль.
2016 жылы жазда IWF және Бүкіләлемдік антидопинг агенттігі (WADA) Владимир Седовтың анализдерін қайта тексеріп, қан құрамынан станозолол тапқан. Тергеу аяқталған соң, Седов допингпен ұсталғаны үшін 8 жылға спорттан шеттелген-ді.
az.sputniknews.ru
