Жаңалықтарды Telegram арнамыздан оқыңыз!Польшаның Щирк қаласында газ балоны жарылысынан 6 адам қаза тапты. Олардың екеуі – бала. Апат тау-шаңғы курортына жақын үш қабатты тұрғын үйде болды. Жарылыстан ғимараттың қабырғалары құлап, адамдарды басып қалған. Жақын маңдағы тағы үш үй зардап шекті.
Соңғы мәліметтерге сәйкес, аталған үйде 9 адам тұрып жатқан. Жоғалғандарды іздестіру жұмыстары әлі жүріп жатыр. Оқиға орнына 200-дей маман жұмылдырылды. Мұндай жағдайда ауыр техника қолдануға болмайтындықтан, олар үйінділерді қолдарымен аршуға мәжбүр. Әзірге апатқа не себеп болғаны белгісіз. Қазір оқиға бойынша қылмыстық іс қозғалып, тергеу жүргізіліп жатыр.
Жансая ҚАПАСҚЫЗЫ
