Қызылорда облысында жолаушылары бар автобус аударылды

03.12.2019
Қызылорда облысында жолаушылары бар автобус аударылды

Қызылорда облысында көктайғақтың кесірінен жолаушылары бар автобус аударылды. Бұл туралы ҚР ІІМ Төтенше жағдайлар комитетінің баспасөз қызметі хабарлады. Апат бүгін сағат 05:25-те Қызылорда-Құмкөл автожолында болған. Көктайғақтың салдарынан жүргізуші көлік тізгініне ие бола алмай, автобус аударылып кеткен. 

«Оқиға Қызылордадан 85 шақырым жерде болды. Қызылорда облыстық ТЖД-да жедел штаб құрылды. Оқиға орнында ТЖД-ның жеке құрамынан 13 адам мен төрт техника, полиция бөлімінен алты қызметкер мен екі техника, жедел медициналық жәрдемнің 12 қызметкері мен төрт техникасы жұмыс істеп жатыр», - делінген баспасөз хабарламасында.

ТЖК баспасөз қызметінің мәліметінше, апат орнынан 6 адамның денесі табылған. 1 адам ауруханаға барар жолда қайтыс болған. Құтқару жұмыстары жалғасуда.

Хабарламаларға жазылу