Жаңалықтарды Telegram арнамыздан оқыңыз!Бельгияда бір топ климат жанашырлары Еуропарламент ғимаратында наразылық акциясын ұйымдастырды. Олар еденге сұлап жатып, экологиялық мәселеге тағы бір мәрте назар аудартуға тырысты.
Бұл акция – желтоқсанның 1-де жаңа құрамдағы Еурокомиссияның қызметіне кірісуіне орай өткізіліп отыр. Эко-белсенділердің айтуынша, ұйым басшысы Урсула фон дер Ляйеннің қоршаған орта жөніндегі бағдарламалары көңілге сенім ұялатпайды. Және де ол аз қаржыландырылған. Сондықтан жастар еуропалық басшылардың жаһандық климат проблемасына жіті көңіл бөлуін талап етіп жатыр.
Айта кетсек, дүйсенбіде Еуропалық Одақ пен Еуропарламент 2020 жылға арналған бюджетті бекітті. Оның 21 пайызы климаттың өзгеруімен күреске жұмсалмақ.
Жансая ҚАПАСҚЫЗЫ
