Германия экс-президентінің ұлын сабақ үстінде өлтіріп кетті

Германия экс-президентінің ұлы, дәрігер Фриц фон Вайцзеккер сабақ үстінде пышақ жарақатын алып, қайтыс болды. Оқиға Берлиндегі Schlosspar клиникасында болған. 

Ол болашақ дәрігерлерге лекция оқып отырған кезде белгісіз біреу жанына келіп, оған пышақ сұққан. Нәтижесінде 59 жастағы азамат мерт болды. Полицияның хабарлауынша, оқиға орнында қылмыскерге кедергі келтірмек болған тағы бір адам жараланған. Ол қазір ауруханада жатыр.

Германия полициясы күдіктіні дереу ұстады. Оның бұл әрекетке не үшін барғаны әзірге белгісіз.

Айта кетейік, қайтыс болған Фриц фон Вайцзеккер - Германияның экс-президенті Рихард фон Вайцзеккердің ұлы.

ria.ru