Түркия арқылы Еуропаға өтпек болған босқындар ұсталды

Түркияның Айваджик қаласында жүк көлігінен 82 мигрант табылды. Олар теңіз арқылы Еуропаға жетпек болған. Босқындардың барлығы – Ауғанстан азаматтары. Қазір полиция оларды еліне қайтару үшін репатриациялық орталыққа орналастырды. 

Біріккен Ұлттар Ұйымының дерегінше, Жерорта теңізі арқылы Еуропаға заңсыз ағылған босқындар саны 2015 жылы миллионнан асып кеткен. Алайда сол жылы Анкара Еуропалық Одақтан 3 миллиард еуро алып, мигранттар қозғалысын қатаң бақылауға алған соң, олардың саны күрт азайды. 

Жансая Қапасқызы