Владимир Путин Қасым-Жомарт Тоқаевты Омбы әуежайындағы ұшаққа дейін шығарып салды

08.11.2019
Владимир Путин Қасым-Жомарт Тоқаевты Омбы әуежайындағы ұшаққа дейін шығарып салды

Бұл туралы ҚР Президентінің баспасөз хатшысы Берік Уәли Facebook-тегі парақшасында хабарлады.

«Қазақстан мен Ресей өңіраралық ынтымақтастық форумы іскерлік бағытта өткенімен, кездесулерде достық ниет айқын көрініп тұрды. Қасым-Жомарт Кемелұлы Тоқаев пен Владимир Владимирович Путиннің келіссөздері, форумның жалпы отырысы сындарлы әрі салиқалы сипатта өтті. Екі елдің көшбасшылары талқыланған барлық мәселелер бойынша бір пікірде болды, ортақ шешімге келді.

Ресей Президенті Владимир Путиннің Қазақстан Президенті Қасым-Жомарт Тоқаевқа ерекше құрметі мен ілтипаты оның Омбы әуежайына дейін келіп, әріптесін өзі арнайы шығарып салғанынан анық байқалды», - деп жазды Берік Уәли.

Хабарламаларға жазылу