Жаңалықтарды Telegram арнамыздан оқыңыз!АҚШ-тың Техас штатына торнадо соққы беріп, 100 мыңнан астам үй электр жарығынсыз қалды. Табиғи апат салдарынан, Даллас қаласында әуе рейстері доғарылған. Дүлей дауыл ғимараттардың шатырын ұшырып, ағаштарды тамырымен жұлып әкетті. Жолдарда көлік қозғалысы бұзылып, кептелістер түзілген.
Тұрғындардың айтуынша, дауыл туралы дабыл беріліп, кейін ескерту доғарылған. Соның салдарынан, көптеген адам қауіпсіз жерге жасырынып үлгермесе керек. Дегенмен қаза тапқандар туралы мәлімет жоқ. Қазір құтқарушылар әр үйді тексеріп, зардап шеккендерге көмек көрсетіп жатыр.
Арыстан РЫСБЕК
