Мәжіліс төрағасы Нұрлан Нығматулин Словакия Ұлттық Кеңесінің спикері А.Данкомен кездесті

Мәжіліс төрағасы Нұрлан Нығматулин Қазақстанға алғаш рет ресми сапармен келген Словакия Ұлттық Кеңесінің спикері Андрей Данкомен кездесті. Мәртебелі мейман Еуразия елдері Парламенттері спикерлерінің төртінші кеңесіне қатысу үшін арнайы келген. Екі тарап мемлекетаралық, соның ішінде, парламентаралық әріптестіктің негізгі бағыттарын талқылады. Нұрлан Нығматулин Словакияның осы жылы Еуропалық қауіпсіздік және ынтымақтастық ұйымына төрағалық етіп отырғанын және осы халықаралық ұйыммен ынтымақтастықтың маңызды екенін айтты. Қос тарап алдағы уақытта екі елдің парламенттерінің, оның ішінде комитеттер арасындағы байланысты нығайтып, заңнамалық жұмыста тәжірибе алмасу керектігіне назар аударды.  

Индира БЕГАЙДАР