Абай облысында 1 шақырымнан астам аумақ тазартылды

AMANAT партиясы бастамасымен «Таза бейсенбі» акциясы Абай облысы Бородулиха ауданында ұйымдастырылды. 1 шақырымнан астам аумақ тазартылып, акцияға 100 ге тарта адам қатысты. Партия мүшелері, депутаттар, мемлекеттік қызметкерлер мен студенттер 3 тоннаға жуық қоқыс шығарды.
Жыл басынан бері AMANAT партиясы «Таза бейсенбі» акциясына тұрақты қатысып, 60-тан астам тазалық шарасын ұйымдастырған. Бірлескен рейдтер арқылы заңсыз қоқыс орындары жойылып, санитарлық тәртіп күшейтілді.
Виктория Мокроусова, аудандық мәслихат депутаты:

Бородулиха ауданының түкпір-түкпірінде мемлекеттік қызметшілер, жалпы Бородклиха ауданының тұрғындары осылай шығып ауданымызды қоқыстан тазартады. Және абаттандыру жұмыстарын жүргізеді. Бұл акция бір рет қана емес, апта сайын өткізіліп отырады. Әр бейсенбі сайын жақсы әдет қалыпьастырды деп ойлаймын. Ауданымызда экологияға ерекше көңіл бөлінеді.