Шекарада есірткі тәрткіленді

Қазақ-өзбек шекарасында аса ірі көлемде есірткі тасымалының жолы кесілді. Түркістан облысы экономикалық тергеу департаментінің мамандары Сарыағаш ауданы, «Жібек Жолы» кеден бекетінде Тәжікстан азаматын ұстады. Ол көлігінің артқы бамперіне 12 келі таза героин жасырып, алып өтпек болған. Оның қара базардағы құны 1 млрд теңгеден асады. Мұндай ірі көлемде тәркілеу өңірлік ведомство тарихында болмаған,- дейді мамандар. Мыңдаған адамның өміріне балта шабатын есірткіні «Ынтас», «Рига» атты иісшіл екі ит анықтаған. Енді Экономикалық тергеу департаменті кинология қызметі мен ақылды иттерді марапатқа ұсынуды жөн көріп отыр.