Жаңалықтарды Telegram арнамыздан оқыңыз!8 қараша, сейсенбі, 2016 жыл
Қазақстанда статистика күні
1920 жылы Қазақстанда бірыңғай статистикалық органдар құрылуына орайластырылған.
Халықаралық көңілділер мен тапқырлар клубы күні (КВН)
ЕСТЕ ҚАЛАР ОҚИҒАЛАР
73 жыл бұрын (1943) КСРО Жоғарғы Кеңесі Төралқасының жарлығымен жоғары басқару командасы құрамындағы тұлғалар үшін «Жеңіс» жоғарғы әскери ордені бекітілді.
38 жыл бұрын (1978) газеттерде Л.Брежневтің «Тың» кітабы жарыққа шыққаны туралы хабар басылды. Кітапта Қазақстан, қазақ ұлты жайында өте жақсы пікірлер айтылған.
22 жыл бұрын (1994) Қазақ ұлттық университетінің құрылғанына 60 жыл толуына орай, оқу орнының бас ғимараты алдына Әл-Фараби ескерткіші орнатылды.
14 жыл бұрын (2002) Қазақстан Республикасы Үкіметінің № 1186 қаулысына сәйкес ҚазААГ негізінде «Қазақ ақпарат агенттігі» Ұлттық компаниясы («ҚазАқпарат» ҰК) құрылды.
12 жыл бұрын (2004) Семей мешітіне 1907 жылы Қазанда басып шығарылған Құран табыс етілді.
ЕСІМДЕР
118 жыл бұрын (1898-1937) Алаш қозғалысының қайраткері, әдебиет сыншысы, абайтанушы Ыдырыс МҰСТАНБАЕВ дүниеге келді.
92 жыл бұрын (1924-1999) кескіндемеші Павел Иванович РЕЧЕНСКИЙ дүниеге келді.
91 жыл бұрын (1925-2009) тарих ғылымдарының кандидаты, доцент, Халықаралық Ақпараттану Академиясының академигі, Қазақ КСР Жоғары мектебінің еңбек сіңірген қызметкері, КСРО Жоғары мектебінің үздігі Мүштай БАТЫРБЕКОВ дүниеге келді.
88 жыл бұрын (1928-1996) жазушы, филология ғылымының кандидаты Көбей СЕЙДЕХАН дүниеге келді.
169 жыл назад (1847-1912) ирландтық жазушы Брэм СТОКЕР (Абрахам Стокер) дүниеге келді.
116 жыл бұрын (1900-1949) американ жазушысы, «Жел ұшырып әкеткендер» роман-бестселлерінің авторы Маргарет Манерлин МИТЧЕЛЛ дүниеге келді.
93 жыл бұрын (1923-2005) американдық инженер, алғашқы интегральдық микросхема жасаушы, Нобель сыйлығының лауреаты Джек КИЛБИ дүниеге келді.
81 жыл бұрын (1935) француз театр және кино актері, режиссер, продюсер, сценарист Ален ДЕЛОН (толық аты-жөні - Ален Фабьен Морис Марсель Делон) дүниеге келді.
