Жаңалықтарды Telegram арнамыздан оқыңыз!7 қазан, жұма, 2016 жыл
ЕСТЕ ҚАЛАР ОҚИҒАЛАР
87 жыл бұрын (1929) Б.Ахметов атындағы Павлодар мемлекеттік колледжі құрылды. Оқу орны жыл сайын Қазақстанның қалалары мен ауылдарына педагогикалық білімі бар кадрларды дайындап шығарады.
70 жыл бұрын (1946) Алматыдағы Қазақ опера және балет театрында «Біржан - Сара» операсының премьерасы қойылды. Операның авторы М.Төлебаев, либреттосын Қ.Жұмалиев жазған. Алғашқы қойылымдағы Біржан бейнесін Ә.Үмбетбаев сомдаса, Сараны К.Байсейітова ойнады.
23 жыл бұрын (1993) Алматыда жазушы Ілияс Есенберлиннің мұражайы ашылды.
19 жыл бұрын (1997) ҚР Үкіметінің №1419 Қаулысымен арнайы теле-, радиохабар тарату субъектісі ретінде «Қазтелерадио» РМҚМ «Республикалық Мемлекеттік Қазыналық Мекеме) құрылды, оның негізгі міндеті ретінде «телерадиобағдарламаларды және басқа телерадиохабарларды тарату» белгіленді.
210 жыл бұрын (1806) Англияда алғашқы көшірме қағазға патент алынды. Патент авторы -Ральф Веджвуд.
210 жыл бұрын (1806) Англияда алғашқы көшірме қағазға патент алынды. Патент авторы -Ральф Веджвуд.
132 жыл бұрын (1884) Флоридада алғаш рет тіс щеткасын өндіру жолға қойылды. Алғашқы тіс щеткасы 505 жылы Қытай императорына арналып жасалған.
ЕСІМДЕР
65 жыл бұрын (1951) театр және кино актері, ҚР халық әртісі, Қырғыз Республикасының еңбек сіңірген әртісі, әнші, Мемлекеттік және Жастар одағы сыйлығының лауреаты Досхан Қалиұлы ЖОЛЖАҚСЫНОВ дүниеге келді.
64 жыл бұрын (1952) РФ президенті Владимир Владимирович ПУТИН дүниеге келді.
88 жыл бұрын (1928-2008) аллерголог, медицина ғылымдарының докторы, профессор, Еуропалық аллергология және клиникалық иммунология академиясының (ЕААКИ) академигі, Қазақстан аллергологтары қауымдастығының президенті Виктор Семенович МОШКЕВИЧ дүниеге келді.
