Оралда Құрманғазы мен Динаға ескерткіш орнатылады

БҚО мәдениет, мұрағаттар және құжаттама басқармасының басшысы Дәулеткерей Құсайыновтың айтуынша, өткен жылы конкурс жарияланып, үздік композиция таңдалып алынды. Онда күй атасы Құрманғазының шәкірті Динаға домбыра табыстап тұрған сәті бейнеленген. Дәл қазіргі таңда арнайы комиссия Орал қаласынан ескерткішке лайықты орынды қарастыруда.

Бүгін Орал қалалық мәслихатының сессиясында Құрманғазы мен Динаның мүсіндік композициясына 66,9 млн. теңге бөлінгені жөнінде хабарланды.

Айта кетейік, Оралдың орталық бөлігіндегі Құрманғазы мен Дина көшелері бір-бірімен қиылысады.