Тұңғыш қазақ ғарышкері Тоқтар Әубәкіров ертең «Таңшолпан» бағдарламасына сұхбат береді

12 сәуір - Дүниежүзілік авиация және космонавтика күніне орай қазақтан шыққан тұңғыш ғарышкер, Халық қаһарманы Тоқтар Әубәкіров  ертең Ұлттық арнаның «Таңшолпан» бағдарламасына сұхбат береді.

Сонымен қатар, Л.Н.Гумилев атындағы Еуразия Ұлттық университеті  Ғарыштық техника және технологиялар кафедрасының доценті Әбдіқұл Әшіровпен аталмыш салаға қатысты әңгіме өрбімек.

Биыл адамзаттың «Байқоңырдан» ғарыш көгіне көтерілгеніне 55 жыл толып отыр. Таңғы бағдарлама ұжымы атаулы күнге байланысты арнайы сюжет ұсынады.

Ал, ғарышқа байланысты қазақ балаларына қойылған есімдерді білесіз бе? Кадет корпусына оқуға түсу үшін енгізілген жаңа талаптар қандай?  

Ертең 07:00 - 10:00 аралығында Ұлттық арнадан көріңіз.