«Барыс» тобының ойыншылары балалар үйінің тәрбиеленушілерімен кездесті

Өткен демалыста «Барыс» тобының ойыншылары астаналық балалар үйінің 60 тәрбиеленушісіне хоккейден сабақ берді.

«Барыс» құрамасының бес хоккейшісі - Максим Худяков, Алексей Воронцов, Дамир Рыспаев, Никита Михайлис пен Илья Лобанов балалармен бірге конькимен сырғанаудың, клюшкамен ойнаудың негізгі жаттығуларын орындады.

«Мұндай қызық, әрі пайдалы іс-шараға қатысу үлкен бақыт. Меніңше, өсіп келе жатқан ұрпақтың арасында саламатты өмір салтын насихаттау - әр спортшының борышы», - деді Максим Худяков.

Кездесу естелік фотосуретке түсу мен қолтаңбаны үйлестірумен аяқталды. Жаттығудан кейін балалардың көбісі хоккеймен шындап айналысқылары келетіндерін айтты.