«Әдебиет» порталы жазба ақындардың онлайн-мүшәйрасын өткізеді

Шара Қазақстан Республикасы Тәуелсіздігінің 25 жылдығына арналып, ақиық ақын Мұқағали Мақатаевтың шығармашылығын насихаттау, ақын мұрасы арқылы жас ұрпақты отансүйгіштікке тәрбиелеу, талантты жас ақындардың жолын ашу және өлең құдіреті арқылы мемлекеттік тілдің мәртебесін көтеруді мақсат етіп отыр, деп хабарлайды ҚазАқпарат.

Қатысушылар Мұқағали Мақатаевқа, Тәуелсіздікке арналған, бұрын жарыққа шықпаған өлеңдерін жіберуі қажет.

Бас жүлде - 80 мың теңге, екінші орынға - 60 мың теңге белгіленген. Байқау жеңімпаздарын қаржылай сыйлықтармен марапаттау рәсімі 2016 жылғы қыркүйек айында Талдықорған қаласында өтеді.