«Air Astana» компаниясының Моңғолияға ашқан жаңа әуе рейсі бөгеліп тұр

Астанадан Ұлан-Баторға алғашқы ұшақты аттандыру 27 наурызға жоспарланған еді. Бағыттың 300 шақырымы Ресейдің аспаны арқылы өтеді.
Халықаралық және мемлекетаралық келісімдердің бір-бірінің әуе кеңістігін тегін кесіп өтуге рұқсат беретініне қарамастан, «Росавиация» «Air Astana» компаниясынан лицензиялық сыйақы төлеуді талап етіп отыр.

Ұлттық оператордың хабарлауынша, ресей әуе тасымалдаушылары аптасына Қазақстан арқылы тегін 640 рейс жасайды екен. Бұл қазақстандық әуе компанияларының Ресей аумағынан ұшқанынан 30 есе көп. Осы келіспеушілік салдарынан жаңа бағыттың тағдыры белгісіз болып тұр.