Олимпиада – 2036: Ойындарды өткізуге 7 ел үміткер

2036 жылғы жазғы олимпиада ойындарын өткізуге жеті ел үміткер. Германия, Мажарстан, Үндістан, Қатар, Корея Республикасы, Оңтүстік Африка және Түркия. Аталған жеті ел Халықаралық Олимпиада комитетімен келіссөз жүргізуде. Үнді елі Олимпиадаға алғаш рет өтінім беріп отыр. Қатар Дохада өткізгісі келеді. Германия 1972 жылғы ойындардың қожайыны Мюнхенді, Оңтүстік Корея 1988 жылғы жазғы ойындарды өткізген Сеулді ұсынып отыр. Тізім әлі де өсуі мүмкін. Ұсыныс 2026 жылдың 31 қазанына дейін қабылданады.