Минскіде өтетін қысқаметражды фильмдер фестиваліне өтініштер қабылдау жалғасуда

Халықаралық «Сinema perpetuum mobile»  қысқаметражды фильмдер фестивалі 2016 жылдың сәуір айында Минск қаласында өтеді. kinaklub.org  тобы ұйымдастыратын шара  кинематографиядағы мәңгілік тақырыпты ашуға арналады.

Байқау бағдарламасы бірнеше секциядан тұрады: ойын фильмі, анимация, музыкалық  видео, эксперименттік кино және Беларусь фильмдері. Қазылар алқасы әр секция бойынша үздіктерді анықтайды. Сондай-ақ, көрермендердің дауысы бойынша үздік фильмдер іріктеледі.

Байқауға 35 минуттан аспайтын, 2014 жылдың 1 қаңтарынан кейін  түсірілген фильмдер қабылданады. Жұмыстардың ағылшын тіліндегі субтитрі болуы тиіс.

Айта кетейік, өтініштер 15 қарашаға дейін қабылданады. Фестивальға қатысу – тегін.

ijnet.org