Ауа райы: Қазақстанның солтүстігі мен оңтүстік-батысында жауын-шашын болуы ықтимал

Бүгін  Қазақстанның солтүстігі мен оңтүстік-батысында кей жерлерде жауын-шашын, тұман, көктайғақ, оңтүстік және шығыс бөлігінде жауын-шашынсыз болады деп күтілуде.

«Қазгидромет» РМК ақпаратынша, Қызылорда облысының кей аймағында жел 15-20 м/с дейін күшейіп, шаңды дауыл болуы ықтимал.

Батыс Қазақстан облысында кей жерлерде тұман түсіп, жел жылдамдығы 15-20 м/с дейін жетеді.

Қостанай, Солтүстік Қазақстан облыстарында көктайғақ, тұман, жел 15-20 м/с дейін күшеюі мүмкін.

Павлодар облысы аймақтарында көктайғақ болады.

Шығыс Қазақстан облысы Жарма ауданында желдің күші 15-20 м/с дейін жетуі ықтимал.

Алматы облысы Жалаңашкөл ауданында жел жылдамдығы 18-23, кей жерлерде 27 м/с болады деп күтілуде.