Ұлттық кітапханада Жұмабек Тәшеновтың 100 жылдығына арналған көрме өтеді

27- қазан күні Ұлттық кітапхананың көрмелер залында аса көрнекті қоғам және мемлекет қайраткері, экономика ғылымдарының кандидаты Жұмабек Ахметұлы Тәшеневтің  100 жылдығына арналған көркемделген кітап көрмесінің ашылу салтанаты өтеді.

«Қайсар қазақ, қаһарман тұлға» деген атпен өтетін кітап көрмесінде қонақтар Жұмабек Тәшеневтың өмірі мен қызметіне қатысты кітапхана қорынан алынған әдебиеттер мен материалдармен танысады.

Аталмыш шараға белгілі академиктер, қоғам қайраткерлері, жазушылар, жоғары оқу орындарының студенттері, Алматы қаласының кітапханашылары, балалары мен жиендері, бұқаралық ақпарат құралдарының өкілдері шақырылған.

Көрменің ашылу салтанаты 27 қазан күні сағат 11.00-ге жоспарланып отыр.