Жаңалықтарды Telegram арнамыздан оқыңыз!Шығыс Қазақстанда көктемгі тасқын судың алдын алу жұмыстары жүріп жатыр. Әсіресе, өткен жылы қар суынан қатты зардап шеккен Аягөзде дайындық қарқынды. Осы күнге дейін қаладағы жекеменшік сектордан 70 мың текше метрден астам қар шығарылған. Жол бойындағы арықтар тазартылып, Аягөз өзенінің арнасы кеңейтіліп, бекітілді.
Сондай-ақ, аудан бойынша 3 ауыл қауіпті учаске боп белгіленіп отыр. Синоптиктердің мәліметінше, шығыс өңірде наурыз, сәуір айларында ылғал көп түседі.
Медет Еркінбеков, «Қазгидромет» РМК облыстық филиалы директоры:
- Аягөз ауданы Баршатас ауылының маңында қардағы су қоры 160 пайызға жоғары. Наурыз, сәуір айларында бір тәуліктің ішінде жауын-шашынның мөлшері бір айлық мөлшерден жоғары түсуі мүмкін.
Ержан ЖАҚЫП
