Жаңалықтарды Telegram арнамыздан оқыңыз!АҚШ президенті Дональд Трамптың әлемнің 90-нан астам еліне жариялаған тарифі бүгін күшіне енді. Санақ бюросының дерегінше, Америка нарығына кіретін қазақстандық өнімге баж салығы 25 пайызға дейін өсті.
Айта кетсек, Құрама Штаттар импортында біздің елдің үлесі 1 пайыз ғана.
Ақ үйдің қожайыны мәлімдегендей, кедендік салықтың өсуі нәтижесінде АҚШ экономикасына миллиардтаған доллар құйылып жатыр.
Жалпы алғанда, Вашингтондағы әкімшілік шетелдік өнімдерге тарифті 10 пайыздан 41 пайызға дейін көтерді. Трамптың мәлімдеуінше, бұл саясат АҚШ үшін әділетсіз құрылған дүниежүзілік сауда жүйесін өзгертуге бағытталған.
Арыстан Рысбек
