Жаңалықтарды Telegram арнамыздан оқыңыз!Йемен жағалауында мигранттар мінген қайық апатқа ұшырап, 68 адам қаза тапты. Су көлігінде 150-ден астам жолаушы болған. Жергілікті биліктің мәлімдеуінше, қайық Абьян провинциясы жағалауында құрдымға кетті. Сол кезде ауа-райы нашар болған. 12 адам аман-есен құтқарылды. Қалғандары іздестіріліп жатыр. Халықаралық көші-қон ұйымының дерегіне сай, қаза тапқандардың көбі эфиопиялықтар. Йемен – африкалық мигранттардың Парсы шығанағы елдеріне жұмыс іздеу үшін баратын басты бағытына айналған. Бұл жолда соңғы айларда болған қайық апаттарынан жүздеген адам қаза тауып, кейбіреуі із-түссіз жоғалып кеткен.
Арай Төлегенқызы
