Жаңалықтарды Telegram арнамыздан оқыңыз!«Таза Қазақстан» экологиялық акциясы аясында Алматы облысы, Іле ауданына қарасты Ащыбұлақ ауылы қоқыстан тазартылды. Игі іске 150-ге жуық адам ат салысты. Экобелсенділер 4 гектар аумақтан 3 тоннаға жуық қоқыс жинап, жаяу жүргіншілер жолын тазалады. Жасыл-желекке күтім жасады. Айта кетейік, өңірде тазалық жұмыстары қарқынды жүріп келеді. Биылдың өзінде Алматы облысында 240 мың адам 7 мың тоннадан астам тұрмыстық қалдық жинап, 77 мыңға жуық көшет отырғызды. 55 саябақ, 900-ден астам тарихи-мәдени ескерткіш пен мыңға жуық әлеуметтік нысан тазартылды.
Алмасбек Сатыбаев, Іле аудандық мәслихатының депутаты:
Бұл акция әр апта сайын бізде өтіп отырады. Өйткені, ауданымыз үлкен. Жер, ел өзіміздікі, тазалық әр бір отбасынан басталса, бұл біздің болашақ ұрпақтарымызға, бала-шағамызға үлгі болады деген ойдамын.
Айдана Қуантхан
