Жаңалықтарды Telegram арнамыздан оқыңыз!Камчатка түбегінде болған жер сілкінісінен кейін бірнеше елде цунами қаупі жарияланды. Жапонияда 2 млн-нан астам адамға қауіпсіз жерге көшу туралы ескертілді. Фукусима атом электростанциясының қызметкерлері эвакуацияланды. Алғашқы 30 сантиметрлік толқын Немуро қаласында көтерілген. Метерологтар толқын биіктігі 3-4 метрге жетуі мүмкін екенін ескертіп отыр. Жағалаудағы аудандарда пойыз қатынасы тоқтап, Мияги префектурасында әуежай жабылды. «Ниссан» компаниясы екі префектурадағы зауыт жұмысын уақытша тоқтатты. АҚШ-тың Гавай аралдарында да цунами қаупі жарияланды.
Арай Төлегенқызы
