Жаңалықтарды Telegram арнамыздан оқыңыз!Моңғолиядағы қандастарымызға 5 мың кітап сыйға тартылды. Осы елге ресми сапармен барған Премьер-министрдің орынбасары - Сыртқы Істер министрі Мұрат Нұртілеу Моңғолиядағы қазақ диаспорасының өкілдерімен кездесіп, кітаптарды табыс етті. Моңғолияда 100 мыңнан астам қазақ тұрады, мемлекеттің парламенті – Ұлы Құрылтайға 5 қазақ азаматы мүше. Мұндағы отандастарымыздың тілі мен әдет-ғұрпын сақтау үшін бар жағдай жасалған. Елдің 13 ауданында 40-тан астам қазақ мектебі және Баянөлгейде аймақтық орталық кітапхана бар. Кітаптар осы білім ошақтары мен кітапханаларға табысталмақ.
Сұлтан Тәукейұлы, Моңғолияның халық жазушысы, Мемлекет және қоғам қайраткері:
Жыл сайын оқулықтар келіп тұрады. Отандастар былтыр да кітап жіберді. Біздің орта мектептер Қазақстан оқулықтарын оқиды, бұл аса орайлы мүмкіндік болды.
Нұргүл Ахметова
