Жаңалықтарды Telegram арнамыздан оқыңыз!Елімізде мейіргер мамандар жетіспейді. Әсіресе ауылдарда өзекті болып тұр. Дәрігердің көмекшісі саналатын сала қызметкерлері, тіпті жоғары санаттағы мамандардың бірқатар міндеттерін орындайды. Жұмыс жауапты болғанымен жалақысы төмен. Сондықтан бұл мамандыққа барғысы келетіндер де азайып бара жатқандығы байқалады. Тек Семей медицина университетіне жылына 200-ден астам ғана студент қабылданады. Бұл тым аз. «Халықаралық мейіргерлер күні» Семей медицина университетінде өткен халықаралық ғылыми-тәжірибелік конференцияда саладағы осы сынды мәселелер талқыланды.
Жанаргүл Смаилова, «Семей медицина университетінің» академиялық және тәрбие жұмысы бойынша проректоры:
Клиникалық стандарттар бойынша олардың біліктіліктерін арттыру, жалпы міндеттерін кеңейту қарастырылып отыр. Сондықтан да қазір мейіргерлерге қойылып отырған талап өте үлкен және олардың санын көбейту өте өзекті мәселе болып отыр. Өйткені елді мекендерде осы орта буын қызметкерлерінің жетіспеушілігі байқалады.
Ержан Жақып
