Президент Қ.Тоқаевтың Қытай Халық Республикасына сапары қалай өтті?

Елдегі саяси маусымның «шымылдығы» алдағы аптада Президенттің үндеуімен түріледі. Бұл шартты теңеу, әрине. Әйтпесе бірінші кезекте әлемдегі ахуалға байланысты шығар, Ақорда жазда да сәл де болса босаңсыған жоқ.

Ал тамыздың соңы мен қыркүйектің басында Президент Қытай Халық Республикасына барып келді. Бірінші кезекте Шанхай Ынтымақтастық Ұйымының, Шанхай Ынтымақтастық Ұйымы+ саммиттері өтті.

Екіншіден, қазақ-қытай іскерлік кеңесінің кезекті отырысына қатысып, сөз сөйледі. Және Қытайдың «ең» деген компанияларының жетекшілерімен кездесті.

Одан кейін Екінші дүниежүзілік соғыстың аяқталуының, нақтырақ айтсақ, Жапонияның тізе бүгуінің 80 жылдығына орай ұйымдастырылған Әскери парадты тамашалады. Президент сапарын мазмұны бойынша осындай 3 бөлікке бөлуге болады.