Жаңалықтарды Telegram арнамыздан оқыңыз!Солтүстік Қазақстан облысы Қызылжар ауданындағы Тепличное ауылында эвакуация басталды.
Тұрғындар аудан орталығындағы Бескөл ауылындағы 2-ші орта мектепте ашылған пунктте орналастырылады. Елдімекен іргесіндегі су деңгейі көтеріліп, бөгетке дейін жетті. Оны нығайту үшін Ақмола, Қостанай облысы мен Астана қаласынан әскерилер көмекке келді. Жергілікті әкімдік өкілдері халықтың қауіпсіздігін қамтамасыз ету үшін алдын ала эвакуация жасау жөнінде шешім қабылдады. Ауылда 1500 тұрғын бар. Өңірдегі ахуалды кешкі 20:00 қорытынды жаңалықтарда тарқатып айтатын боламыз.
Эльмира Кәленова
