Жаңалықтарды Telegram арнамыздан оқыңыз!Петропавлда қоқыс уақытында шығарылмайды. Салдарынан көпқабатты үйлердің аулаларында кемірушілер пайда болған. Тұрғындардың айтуынша, қоқыс контейнерлері бірнеше күн бойы толып тұрады. Тұрмыстық қалдықтар жан-жаққа шашылып, айналаға жағымсыз иіс тарайды.
Сауалнама:
Үстінен толып тұрады, бәрі лақтыра салады, сыртынан. Сонда маңайы бәрі шашылады, жел болғанда.
Тариф көтерілгенімен, қызмет көрсету сапасы төмен. Мәселен біздің аулада 4 көпқабатты үй тұр. Талап бойынша 7 контейнер болуы керек. Екеуі жетіспейді. Сондықтан тез толып қалады.
Облыс орталығында тұрмыстық қалдықтарды шығарумен 5 компания айналысады. Қалалық әкімдік өкілдері қоқыс мәселесі жуық арада шешімін табатынын жеткізді.
Сергей Мелехов, қала әкімінің орынбасары:
Сәуірден қаланы көркейтуге бағытталған үш айлық басталды. Күн сайын сенбіліктер ұйымдастырылып жатыр. Олқылықтар барын жасырмаймыз, кейде медігер компаниялардың көліктері сынып, қоқыс уақытында шығарылмай қалады.
Эльмира Кәленова
