Жаңалықтарды Telegram арнамыздан оқыңыз!Шығыста алдағы күндері ауа райы жылынады. Өткен аптадан бері өңірдегі таулы аудандарда қар біртіндеп ери бастады. Енді күн күрт жылынса, тасқын болуы да мүмкін. Сондықтан аймақтағы ахуалға нақты көз жеткізу үшін төтенше жағдай департаментінің қызметкерлері дронмен бақылай бастады. Өйткені адам аяғы жетпейтін қиын жерлерді ұшу аппараты арқылы көріп, қажетті ақпаратты дер кезінде алып отырады. Ал еліміз бойынша өзен-көл және жасанды су қоймалалары ең көп өңір үшін бұл өте қолайлы. Бүгінге дейін осы дроннның көмегімен өзен бойындағы 16 жердің мұзы жарылды.
Аяулым Кикиева, ТЖД бас маманы:
Жару жұмыстарын жүргізу алдында дрон арқылы мониторинг жүргіземіз. Бұл - жетуі қиын учаскелерге барлау жасауға қолайлы. Қазіргі таңда өзендерден судың жағаға шығуы байқалған жоқ. Тек қана жағалық мұздарды анықтадық.
Олжас Керейхан
