Жаңалықтарды Telegram арнамыздан оқыңыз!Елде энергетикалық және коммуналдық инфрақұрылымның тозу деңгейі 65%-дан 100%-ға дейін жеткен. Энергетика министрлігінің ақпарынша, бұл секторды жаңғырту аясында 4 бағыттан тұратын ұлттық жоба әзірленді. Әуелі, энергетикалық және коммуналдық инфрақұрылымды жаңартуға баса мән берілмек. Сондай-ақ салаға тартылатын инвестицияны ұлғайту көзделіп отыр. Жобаны іске асыру кезінде аталған секторға шамамен 2,7 трлн теңге инвестиция қажет. Бүгінде бұл бойынша жұмыстар жүріп жатыр дейді ведомство өкілі.
Нұрлан Болатбаев, ҚР Ұлттық экономика министрлігі табиғи монополияларды реттеу комитетінің төраға орынбасары:
Ұлттық жоба дегеніміз - бұл, тозығы жеткен желілерге, халықтың тұрмысын жақсартатын, коммуналдық қызмет атқару саласында жағдайды жақсартуға бағытталған. Және бұған шамамен 13 трлн тг астам қаражат қажет етеді. Авариялық жағдайдағы, тозуларды төмендетуге барша мүмкіншілік береді.
Динара Жарқынбек
