Жаңалықтарды Telegram арнамыздан оқыңыз!Қызылорда облысында арт-спорт үйірмелері 500 миллион теңге көлемінде мемлекет қаржысын заңсыз алған. Прокурорлық тексеріс барысында кәсіпкерлер бала санын көбейтіп, жалған құжат әзірлегені анықталды.
Аймақта балалар мен жасөспірімдердің шығармашылығын дамытуға арналған 300-ден аса жеке ұйым бар. Оларға үш жылда бюджеттен 11,6 миллиард теңге қаралған. Алайда кәсіпкерлер түрлі айла-тәсілге салып, 2762 баланы артығымен көрсетіп, заңсыз қаржы алып келген. Ең сорақысы, Жалағаш ауданында қайтыс болған баланы таэквондо секциясына тіркегені анықталса, ал тірек-қимыл жүйесі бұзылған мүгедек баланы заманауи би үйірмесіне жазып қойған. Өрескел заң бұзушылыққа барғандардан мемлекет қаржысы қайта өндіріліп жатыр.
Ризабек Ожаров, Қызылорда облысының прокуроры:
Нәтижесінде бірнеше қылмыстық іс тіркелген. Қазіргі таңда 500 миллион теңге тиімсіз жұмсалған қаражаттар анықталып отыр. Оның ішінде 95 миллионы қазіргі таңда қайтарылды мемлекетке. Жұмыс жалғастырылуда.
Әділбек Серікұлы
