Мемлекет басшысы Тәжікстанның Сыртқы істер министрі Сироджиддин Мухриддинді қабылдады

Мемлекет басшысы Қасым-Жомарт Тоқаев Астанаға ресми сапармен келген Тәжікстанның Сыртқы істер министрі Сироджиддин Мухриддинді қабылдады. Президент екі ел арасындағы стратегиялық серіктестіктің қарқынды дамып келе жатқанын атап өтті. Былтыр қол қойылған Одақтастық қатынастар туралы шарт ынтымақтастықтың маңызды кезеңі болғанын айтты. Өз кезегінде Мухриддин Тәжікстанның Қазақстанмен тығыз ынтымақтастықты дамытуға бейілді екенін айтты. Кездесуде су-энергетика, сауда, экономика, транзит пен цифрландыру салаларындағы серіктестік сөз болды. 

Шерхан Жамбылұлы