Жаңалықтарды Telegram арнамыздан оқыңыз!Шымкентте қамыр ашыту ұнтағын заңсыз жолмен өндірген екі азаматтың ісі әшкере болды. Олар нарықта танымал тауардың сауда белгісін иемденіп, пайда тапқан. Тексеру кезінде бірінің үйінен 12 мың бума, ал екіншісінің ауласынан 5 жарым мың қағаз құтыдағы қамыр ашыту ұнтағы табылған. Сондай-ақ заңсыз соғылған тауар белгілері бар қораптар, салмақ өлшейтін таразы мен қағаз кесу құралы тәркіленді. Оңай жолмен табыс таппақ болған екеу әкімшілік жазаға тартылып, айыппұл төледі. Тәркіленген заттар арнайы полигонда өртеліп, жойылады.
Азат Рақметов, қалалық әділет департаменті басшысының орынбасары:
Шымкент қаласы Абай ауданы полиция басқармасы тексеріп, кәсіпкерлікке келтірілген залалдар анықталды. Сот қаулысына сәйкес азамат Х30 айылық есептік көрсеткіш, азамат Е 20 айлық есептік көрсеткіш көлемінде айыппұл салынды.
