Жаңалықтарды Telegram арнамыздан оқыңыз!Президент Иранның Сыртқы істер министрі Мохаммад Джавад Зарифті де қабылдады. Мемлекет басшысы елордаға сапармен келген Иран дипломатына ілтипат білдіріп, екі ел арасындағы байланыстардың маңызын атап өтті. Сыртқы істер министрі Иран Президенті Хасан Руханидің сәлемін жеткізді. Кездесу барысында тараптар екіжақты ынтымақтастықты талқылап, өңірлік және жаһандық күн тәртібіндегі өзекті мәселелер бойынша пікір алмасты.
Қасым-Жомарт Тоқаев, Қазақстан Республикасының Президенті:
Иран – Қазақстанның Таяу Шығыстағы маңызды серіктестерінің бірі. Заман қалай құбылса да, елдеріміз арасындағы жақсы қарым-қатынастар үзілген жоқ. Халықаралық ахуал өзара ынтымақтастығымыздың дамуына әсер етпеді. Біз бұл жағдайды жоғары бағалаймыз. Осы мүмкіндікті пайдалана отырып, Иран Президенті Хасан Руханиға жүрекжарды сәлемімді жолдаймын.
Мохаммад Джавад Зариф, Иранның Сыртқы істер министрі:
Біз Сіздің еліңізбен арадағы ынтымақтастықтың дамуына зор мән береміз. Қазақстан өңірдегі жақын көршілеріміздің әрі достас мемлекеттеріміздің бірі.
Раушан Сайлауқызы
