Жаңалықтарды Telegram арнамыздан оқыңыз!Йеменде Сауд Арабиясының авиациялық соққысынан 40-қа жуық адам қаза тапты. Оқиға елдің солтүстік-батысындағы әл-Джауф деген провинцияда болды. Құрбандардың арасында әйелдер мен балалар да бар. Ал мұның алдында шиит-хуситтер Саудияның әскери ұшағын атып түсіргендерін хабарлаған еді.
Шииттер 2014 жылы Йеменнің Біріккен Ұлттар Ұйымы мойындаған үкіметін құлатып, елдің айтарлық бөлігі мен астанасы – Сананы басып алды. Ал 2015 жылдың наурызында Сауд Арабиясы бастаған мұсылман коалициясы Йеменге әскер кіргізіп, содан бері Иранға жақтас хуситтермен соғыс жүргізіп жатыр.
Арыстан Рысбек
